"Gloppen er toppen" er eitt av slagorda friidretten her brukar. Både med tanke på naturtoppane, oppvekstmiljøet og dei idrettslege målsetjingane. Om NM-99 og tidlegare nasjonale og internasjonale arrangement her i Gloppen står det mykje elles på denne heimesida. Men visste du at:

• Gloppen Friidrettslag (GFIL) vart nest beste lag under jr.nm på Byrkjelo stadion i 1997
• Same året hadde GFIL sprekaste herreveteranane i landet. Dei vann 1.divisjon på ny rekord.
• I år er GFIL eitt av dei 6 laga i Noreg som har lag i NFIF sin 1.divisjon både for menn og kvinner.
• Men GFIL har i tillegg både dame- og herrelag i 1.divisjon for veteranar. Denne kombinasjonen
  av breidde, nivå og aldersspreiing er GFIL åleine om i Noreg i år.

Gloppen er ingen stor kommune i landssamanheng, knapt 6.000 innbyggarar. Når kommunen likevel ligg stabilt i landstoppen både når det gjeld utøvarar og arrangement har det nokre hovudforklaringar: Eit tradisjonsrikt og allsidig idrettsmiljø. Halvparten av innbyggarane er medlemmer i idrettslag. Organiseringa: Gloppen Friidrettslag (GFIL) er overbyggingsklubb på jr. og sen. nivå for dei fem moderklubbane Breimsbygda, Brodd, Hyen, Fjellhug/Vereide og Sandane Turn & IL (STIL). Moderlaga er fleiridrettslag som dekker heile kommunen med basis i skulekrinsar. Alle ungar får gjennom idrettsskular o.l tilbod om grunnopplæring. På jr/sen-nivå samarbeider laga for å kunne tilby spesial-oppfylging som dei er for små til å makte åleine. Idrettslina ved Firda vgs som feirar 20.års-jubileum i år. Dei fleste av GFIL sin topputøvarar går/har gått her. Tre av lærarane har m.a. sjølve deltatt på hovud-NM. Lina legg vekt på eit breitt idretts-og friluftslivstilbod i tillegg til friidrett og meiner allsidig idrettsbakgrunn i denne alderen er viktig uansett idrett. Eit døme frå lagsavisa som er viktig for idrettsmiljlet: 1969-årgangen slo til på hovud-NM -93. Frå venstre: Arne Indrebø (gull spyd), Ole Morten Mardal (sølv lengde), Kjell Ove Hauge (gull kule, bronse diskos) dei fekk den grunnleggande opplæringa i kvart sitt moderlag (høvesvis Breimsbygda, STIL og Fjh/Vereide) samtrening og spesialoppfylging på jr./sen.-nivå i overbyggingsklubb, på 1980-talet i Breimsbygda Friidrettslag, på 1990-talet i GFIL dei gjekk i same klasse på idrettslina ved Firda vgs dei tok alle høgare idrettsutdanning etterpå. Ole Morten er i dag sjølv lærar på idrettslina ved Firda vgs. Arne og Kjell Ove har tilbakeført kunnskap når dei har vore heime som instruktørar t.d. i sbd med Norsk Idrettsveke som GFIL står bak på denne måten oppstår ein "god sirkel" av miljø, kompetanseoppbygging og tilbakeføring. Under NM-99 må Gloppen setje sin lit til jentene, t.d.1000 m stafett: Kan gull-laget frå jr.-NM på Byrkjelo Stadion i 1997 klare medalje i år? (f.v.)Maria Ommedal, Cecilie Rise, Ingeborg Ødven, Kristin Roset. Individuelt må glopparane setje sin lit til jentetrioen Cecilie Rise i lengde og tresteg, Kristin Roset på 800 m og Elin Isane i diskos, kule og spyd. Og vone på gledelege overraskingar td. frå Bodil Hjelmeset i spyd og Odd Bjørn Hjelmeset på 3000m hinder Når det gjeld opplysningar om Gloppen generelt finn du ulike lenker her